‘ఉపాహారాలకు చక్కని అనుపానం – పసందైన ఉల్లికారం’

ముందుమాట:

లోగడ మనం గుంత పొంగరాలు వగైరా ఉపాహారాలను గురించి చెప్పుకున్నప్పుడు, వాటిలోకి పసందైన అనుపానం గా ఉల్లికారం గురించి ప్రస్తావించటం జరిగింది. అప్పుడు పాఠకులు కొందరు ఉల్లికారం తయారీ గురించి చెప్పవలసిందిగా కోరారు. కనుక మీ అందరికోసం ఉల్లికారం తయారీ విధానం చేపుతున్నరు శ్రీమతి రత్న.

రమణ బంధకవి

సంపాదకుడు

‘ఉపాహారాలకు చక్కని అనుపానం – పసందైన ఉల్లికారం’

శ్రీమతి రత్నా శ్రీనివాస్

కావలసిన పదార్దములు :

ఉల్లిపాయలు                         2-3

ఉప్పు                                  తగినంత 

పసుపు                               చిటికెడు 

చింతపండు                          నిమ్మ పండు పరిమాణం 

బెల్లం                                   చిన్న ముక్క 

నూనె                                 1 టేబుల్ స్పూన్ 

పోపుకు కావలసిన పదార్దములు:

ఎండు మిర్చి                         6-7

మినప పప్పు                       1 టేబుల్ స్పూన్ 

ఆవాలు                               1 టీస్పూన్ 

ఇంగువ                                సువాసన కు 

కారం పొడి                            1/2 టీస్పూన్ 

నూనె                                   2 టేబుల్ స్పూన్స్ 

తయారు చేయు విధానం :

ఉల్లిపాయలను కడిగి చెక్కు తీసుకుని కొంచెం పెద్ద ముక్కలు తరుక్కున్నా పర్వాలేదు. బాండీ  తీసుకుని నూనె వేసి వేడేక్కేక ఉల్లిపాయ ముక్కలను వేసి పచ్చి వాసన పోయి బ్రౌన్ కలర్ లోకి వచ్చేంతవరకు  వేయించుకోవాలి. ముక్కలకి సరిపడా ఉప్పు, పసుపు వేసి కలియబెట్టి వేయించుకోవాలి. 

ఒక కప్పులో చింత పండుని నాన బెట్టుకోవాలి. నానిన చింత పండుని పిసికి గుజ్జు ఉల్లిపాయ ముక్కలు వున్న బాండీ లో వేసి,  మరొక సారి కలియబెట్టి వేయించుకుని స్టవ్ ఆపెసుకోవాలి.ఇప్పుడు బెల్లం ముక్కను ఉల్లిపాయ, చింత పండు వున్న మిశ్రమం లో వేసుకోవాలి. 

వేరొక చిన్న బాణలి లో నూనె వేసి వేడేక్కేక ఎండు మిర్చి, ఆవాలు వేసి వేగేక ఇంగువ వేసి స్టవ్ ఆపెసుకోవాలి. ఇప్పుడు వేడి నూనెలో కారం పొడి వేయాలి. 

ఉల్లిపాయ ముక్కలు చల్లరేక, గ్రైన్దర్ వేసి మెత్తగా గ్రైండ్ చేసుకోవాలి. ఇప్పుడు పచ్చడిని ఒక పాత్రలోకి తీసుకుని వేయించిన పోపుని కలుపు కోవాలి. పుల్లపుల్లగా, తీయతీయని, ఉల్లికారం తయారయ్యింది. 

ఇది ఇడ్లీ, దోస, చపాతీ, పరాట, గుంత పొంగరాలు మొదలగు టిఫిన్ల కే కాకుండా అన్నం లోకి కూడా అద్భుతంగా వుంటుంది.